ناصــرى الدقهليــه
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي
ناصــرى الدقهليــه

ثقافـــــى إجتماعـــــى فنـــــى رياضـــــى فضائـــــى
 
الرئيسيةالرئيسية  اليوميةاليومية  س .و .جس .و .ج  المجموعاتالمجموعات  التسجيلالتسجيل  دخولدخول  
ليالى لخدمات الدش و الكمبيوتر دكرنس دقهليه ت 0105303592
الناصريه ثوره لا تهدأ و مبادئها لا تموت
<< إننى أؤمن إمانا قاطعا أنه سوف يخرج من صفوف هذا الشعب أبطال مجهولون يشعرون بالحريه و يقدسون العزه و يؤمنون بالكرامه>>جمال عبد الناصر

مرحبا بالاعضاء الجدد


شاطر | 
 

 الله يجازيك يا عم عبد الناصر // عبد الرحمن الأبنودي //

اذهب الى الأسفل 
كاتب الموضوعرسالة
ليالى
ناصرى أصيل
avatar

ذكر
عدد الرسائل : 893
العمر : 50
تاريخ التسجيل : 13/09/2008
العمل/الترفيه : مديـــر المنتـــدى
نقاط : 2027

مُساهمةموضوع: الله يجازيك يا عم عبد الناصر // عبد الرحمن الأبنودي //    الخميس 23 ديسمبر 2010, 8:47 pm



الله يجازيك يا عم عبد الناصر
الليل ملليل والألم عاصر
لسه اللي بيبيع أمته كسبان
وكل يوم أطلع أنا الخاسر
الله يجازيك يا عم عبد الناصر
أما أنت خميت مصر دي خمة
يوم ما ناديت بالعشق للأمة
ورطتنا نعشق خريطة عبيطة
وبشر ما نعرفهاش
وبلاد ما بنزرهاش إلا فواعلية وبنايين
وسواقيين وخدامين وطباخين
بلاد أسافرها سعيد .. أرجع حزين
حبيتها زي ما قلتلي … وأكتر
عالأجنبي ما أستكترتش .. عليا تستكتر
عالأجنبي ما تنأورتش .. عليا تتنأور
تطمع في دمعي وفي تعاسة راتبي
ملهم أنا .. وأعمل غبي
---
و أدي الألم يا عم عبدالناصر .. زاحف وبيحاصر
و أدي الجميع خاسر
و أدي فجر أمتنا الجميل مغلوب
و أدي إنتحار الأمة بالمقلوب
وأنا غريب الدار
لابسني توب العار
ساكن في وطني بالإيجار
قاعد انا عالجسر في القيالة
من قلب اللهيب...من قلب اللهيب منشالة
وقلبي ساقية حزن سيالة
بغني معرف مغنى ولا عديد
زي افتكار الميتين في العيد
بعاني وحداني
شياطيني لابساني
والأمة قدامي مفرقاني
يا رب
يا رب ما تحببني في الناس الملاح تاني
يا رب ماترجعني اعشق ضحكة اخواني
يا رب كرهني في اوطاني
---
ماأخيبك امة
ما اتعسك امة
لا عقل ولا همة
لا مصدقة فعلك ولا تحفظي كلمة
امة تدور وتلف
تقيلة مش هتخف
حماسية وحماسها كتيرة ساعة ويجف
امة بتتخابط
امة بتتعابط
امة ومالهاش لا زابط ولا رابط
ولا كبير عيلة
ولا قرابة دم
وفكرة وهمية ما تورث الا الهم
ماتحل عني يا عم
احنا ورثنا كلام
احنا تاريخنا كلام
علشان كده لما تقول
على طول اقول وبكام؟
هو حب؟... دبرني
تاريخ؟ ...فكرني
طريق؟... نورني
مصير؟ ...بصرني
دة انا بقيت عربي من قبل ما القى اللي يمصرني
انا انتمائي لأمتي ممسخرني
محسوبة في الأحزان عليا
في الفرح بتنكرني
ياللي انتي لا أمة ولا انتي أم
في أم ماتعرفش ساعة الألم تضم
قد ما ننورها هي مضلمة
قد ما نعلمها مش متعلمة
كل ليلة بايتة مظلومة
وهي الظالمة
---
اَخرة السكك الوعار
مجد متلطخ بعار
قد ما نحجمها
تفلت من الإطار
السلاح من صنع برة
والكلام من صنع برة
والماَكل والملابس
والهوا البارد في بيتي صنع برة
لا نسجت الهدمة ولا زرعت ولا اكتفيت
شفتها جريت...اشتريت
جلابيتي
عمامتي
سجادتي
وحواديت الصغار
والحلاوة حلوة مرة
شغل برة
---
ايه يهم؟
ان مت من اجل البشر ولا سبت الديب يصرخ
واتغابيت او نسيتها او اتناسيت
الشهادة مجانية
والبطولات نفحات استعراضية
والليل مليل والألم عاصر
لسه اللي بيبيع أمته كسبان
وكل يوم أطلع أنا الخاسر
الله يجازيك يا عم عبد الناصر
الرجوع الى أعلى الصفحة اذهب الى الأسفل
 
الله يجازيك يا عم عبد الناصر // عبد الرحمن الأبنودي //
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ناصــرى الدقهليــه :: منتــديات نـــاصرى الدقهليه :: المنتديات الرئيسيه :: المنتدى الثقافى :: قسم الشعر و القصص القصيره-
انتقل الى: