أغنية شعبان عبد الرحيم بخصوص مذبحة غزة

وتقول كلمات الأغنية:

غلبت أكتب أغانى مش لاقى كلام يتقال
اللى بيحصل فى غزة حرام ده ولا حلال

قنابل نازلة طالعة على الأرض وعلى البيوت
والدنيا فى غزة والعة والناس عمالة تموت

يا عالم حد يلحق يا عالم حد يحوش
إن شاالله حتى بجزمة زى اللى خدها بوش

الشعب العربى اتأذى.. الشعب العربى حزين

على اللى بيحصل فى غزة وبيجرى فى فلسطين
٢٠٠ شهيد وأكتر بالضرب ليل نهار

والدم فى كل حتة والناس ما بين حصار

مكسوف أكتب أغانى والدم مستباح

لكن ورقتى ميدانى وقلمى هو السلاح
بدل ما تلوموا مصر وتجيبوا سيرة الناس

شوفوا الحرب اللى دايرة بين فتح وبين حماس

طول عمر مصر واقفة وبكامل شعبها
مشغولة بالقضية وبتسعى لحلها

الظلم الإسرائيلى ع الوطن العربى زاد
وما بنعملش حاجة غير بس نقف حداد

دى دولة ملهاش لزمة وهدفها دايماً قذر
عايزالها ألف جزمة زى بتاعة منتظر.