ياشعراء الغلابه

يا صديقى العزيز ياعلى عبدالعزيز ياشاعر الغلابه وياكل شعراء الغلابه والمساكين اهلا ومرحبا بكم هنا فى منتدى ناصرالمنصوره تكتبوا كمان عن الغلابه والمساكين عن المفلسين من لقمة عيش من حجرة بيت من غير مطر من هدمة جسد من فرصة عمل من غير سفه ولا شحاته ولاخناقه ولاشماته ولا قلة ادب اكتبوا عن العطشانين عن البطون الجعانه بطون المرضى الخاليه من الدوى من الملاليم اكتب ياعلى يا مصور صورتى وراسم جسمى وناطق اسمى وملون لونى يا حاكى حدودتى عن ايمانى عن عقدتى عن دينى تاريخى ارضى ترابى زرعى ناسى وطنى يا عبير اسايا صبرى دمعى عن كل قلم كتب وخطط عن كل حجر كان على كتفى بنى وعللا وكبر عن كل سنبله وورده ويسمينا فى الغيط فى الجنينه سقتهم بعرقى بجهدى عن كل قطرة دم قدمتها قربان فدا لوطنى عن كفاح ابويا وصبر امى عن اخواتى واصدقائى شهداء وطنى عن شط النهر وجسر الترعه وشباك بنت الجيران عن حبيبى وخللانى عن الرحايه والساقيه والمصطبه عن الحصان والفارس والكلب والتعلب عن التضحيه والفداء والصدق والناس الطيبين عن الناس اللى شيلا هموم الوطن هموم االبيت البنت الولد الناس اكتب عن الشموع المرصوصه فوق المازن والماسى اللى على الرصيف والمنتظرين على الطريق عن الايادى المرفوعه فى الصلاه منتظره قرار السماء فارس ينور شمعة نوريصحى النيام يرجع لنا الحق الارض العزة الكرامه يمسح دموع الغلابه على الرصيف يشد عزم اليتامى ارامل الشهدا يطعم يداوى المريض يرجع لينا صوت العصافير ضحكة ولدنا الصغيرين يصنع لينا فجر جديد